Nuntii latini et Catechismus latinus

Nuntii Latini, conspectus rerum internationalium hebdomadalis, est programma Radiophoniae Finnicae Generalis (YLE) in terrarum orbe unicum. YLE Radio Finland eosdem nuntios undis brevibus et per satellites et per rete informaticum Internet ubique terrarum divulgat. In Finnia programma in primo reti YLE emittitur.
http://www.yleradio1.fi/nuntii/

In pagines rete nuntiorum latinorum autem Colloquia Latina (”chat”) est. Quaere, narra, colloquere in linguam latinam!
http://chat.yle.fi/yleradio1/latini/

* Catechismus Ecclesiae Finnicae Latinus *

Catechismus parvus, a Martino Luthero compositus, est unus ex libris confessionalibus ecclesiae Finnicae evangelico-Lutheranae. Novus catechismus, in quo doctrina Christiana Finnis denuo exponeretur, originem habuit auspiciis synodi, quae anno 1993 facta est.

Episcopus Helsinkiensis Eero Huovinen designatus est, qui textum adumbraret. Novus catechismus eo consilio scriptus est, ut breviter et dilucide definiretur, quid esset doctrina Christiana. Medullam illius faciunt decem praecepta, symbolum fidei, oratio Dominica, sacramenta. Liber in synodo anni 1999 comprobatus et anno sequenti divulgatus, omnibus Finnis evangelico-Lutheranis gratuito distributus est.

Textus, antea Suetice et Anglice translatus, nuperrime etiam in Sinensem, Russicam et Latinam linguam versus est. Versiones hominibus, Finnici sermonis ignaris, serviunt, qui doctrinam Lutheranam cognoscere cupiunt. Versio catechismi Latina maxime ad dialogum oecumenicum inter ecclesiam catholicam et Lutheranam spectat.

Catechismus, anno 2002 a professore Tuomo Pekkanen in Latinum versus, petatur adhibita inscriptione electronica bookexport@akateeminen.com. Inscriptio cursualis: Akateeminen Kirjakauppa/Tilauspalvelu, PL 23, 00381 Helsinki, Finland.
Pretium Catechismi Latini, eurones 9.95, ad quos sumptus cursuales adduntur, chartis creditoriis internationalibus solvi potest.